Duhet ta pranojmë, të gjithë jemi fiksuar pas veshjeve të Meghan Markle. Nga kujdesi për lëkurën, aksesorët dhe madje edhe dekori në përgjithësi, Dukesha e Sussex nuk dështon kurrë në zgjedhje. Falë shijes së saj të hollë dhe elegante veshja e saj e fundit gjatë një udhëtimi në Nju Jork jo vetëm që arriti të bëjë xhiron e botës, por edhe të bëhet një “must” për garderobën e çdo vajze dhe gruaje për këtë sezon.
Por çfarë kishte të veçantë veshja që i bëri kaq shumë përshtypje të gjithëve?
Vetëm një fjalë… Ngjyra! Burgundy. Sipas platformës së modës Lyst, “burgundy” u bë një fjalë kyçe në internet pasi u vesh nga Markle. Njerëzit filluan të kërkonin ngjyrën e kostumit të saj për të blerë veshje të tjera me po të njejtën ngjyrë. Jo vetëm ngjyra, por edhe marka Loro Piana e kostumit të saj u bë një nga më të klikuarat në internet direkt pas daljes së saj. Jo vetëm kaq! Markle di shumë mirë si ti zgjedhë aksesorët. Ҫanta e saj Valextra u pëlqye aq shumë sa klikimet e saj në internet u rritën me mbi 134 përqind. Është e panevojshme të theksohet me fjalë ndikimi i Dukeshës në trendet e të gjithë botës.
