Çfarë mësojnë fëmijët tanë nga filmat vizatimorë?

Programe

Në televizion cdo ditë e më shumë, po shfaqen programe nga më të ndryshmet të cilat pëlqehen dhe ndiqen nga fëmijët. Këto programe kanë personazhe dhe situata të shumta nga të cilat fëmijët tuaj mund të mësojnë pafund. Shumë prindër janë tepër selektivë se çfarë dëshirojnë që fëmijët e tyre të shohin në televizor, pasi çdo gjë ka ndikim në rritjen e tyre.

Nuk janë vetëm programe që fëmijët tuaj të kalojnë kohën e tyre të lirë duke u argëtuar me dicka, por kryesorja është që ato të edukohen nëpërmjet tyre. Personazhet bëhen pjesë e rëndësishme e tyre, pasi ato fillojnë të imitojnë cdo veprim të tyre, mënyra se si flasin, se si shprehen dhe si sillen me të tjerët.

Ndër programet më të preferuara të fëmijëve, do të vecojmë Derrkucen Pepa, Masha dhe Ariu, Ben 10, Artist Tak Fak, Motra ime e dashur e shumë të tjera. Secili prej këtyre programeve ka mesazhe të ndryshme në cdo episod.

“Derrkucja Pepa” na tregon që ti mund t’i bësh të gjitha, përmes personazhit të Zonjës Lepur. Ajo është një zjarrfikëse, punon në një dyqan, në një akuarium dhe në muze. Kur Derrkucja Pepa shkon në Hënë, ajo është duke punuar në një dyqan suveniresh. Ky personazh është një model i mirë për fëmijët dhe të rriturit gjithashtu, duke u thënë që ato kanë mundësinë për t’i bërë të gjitha gjërat, mjafton të kenë dëshirën.

Miqësia mes “Mashës dhe Ariut” na tregon se si duhet të jetë një shoqëri e vërtetë. Nëpërmjet lojërave që ata zhvillojnë mes tyre Ariu i tregon Mashës se cilat janë sjelljet e duhura dhe ato të gabuara për moshën e saj.

“Motra ime e dashur” tregon rëndësinë e familjes dhe sa ndikon ajo në edukimin tonë. Fëmijët mësojnë rregullat kryesore të sjelljes dhe se si duhet të jetë komunikimi me prindërit dhe të afërmit e tjerë. Gjithashtu edhe Mentja dhe Limoni jep shumë informacione të vlefshme rreth: ushqimeve të shëndetshme, shkencës, historisë, artit, sportit e shumë të tjera.

“Ben 10” është një tjetër program shumë i ndjekur dhe i pëlqyer nga mosha të ndryshme. Përmes episodeve të mbushura me aventura, fëmijët mësojnë të mirat e miqësisë dhe se gjërat më të vështira zgjidhen gjithmonë me ndihmën e tyre.

Le të mos harrojmë edhe anën kreative, e cila është karakteristika kryesore e fëmijëve. Xhaxhi Piktori në “Artist Tak Fak” u mëson fëmijëve si të pikturojnë, si të bëjnë art edhe me objekte të përditshme. Ato eksplorojnë krijimtarinë dhe talentin e tyre duke krijuar vepra artistike.

“Erdhën shkronjat” është një emision për një moshë pak më të vogël, ku fëmijët mësojnë të gjitha shkronjat. Do ta quajmë një abetare në format emisioni, ku fëmijët tuaj do të parapërgatiten për klasën e parë.

Edukimi në moshë sa më të vogël është shumë i rëndësishem, pasi fëmijët krijojnë bazat e sjelljes. Në Tring ju mund të zgjidhni shumë emisione të bukura dhe për grupmosha të ndryshme në dy kanale të dedikuara fëmijëve: Tring Tring dhe Kids.