“3 Anat”, një serial i cili na mbajti mbërthyer pas ekranit me historinë e tre motrave Del Castillo, është në përfundim. Tre motrat identike në pamje por me personalitete kaq të ndryshme, interpretuar nga Angelique Boyer, do t’i lënë vend personazheve të reja në ekranin e 3Plus.
“Baba me kohë të plotë” do të vijë në 3Plus pas përfundimit të “Tre Anat”. Një lajm i mirë për të gjithë fansat e Sebastian Rullit, pasi aktori i tyre i dashur do të vazhdojë të jetë në ekranin e Tring.
Në këtë serial, ai interpreton në krah të Maite Perronit, një tjetër aktore e dashur për publikun shqiptar. Atë e kemi njohur që në vitin 2004 me serialin “Rebelet”, e më pas si Mariçui në “Triufi i dashurisë”.
“Baba me kohë të plotë” është projekti i saj më i fundit. Ai është një prodhim i viteve 2017-2018.
