Siç e kemi përmendur më herët, seriali i suksesshëm “FI”, ka nisur sezonin e tij të dytë. Pas suksesit të jashtëzakonshëm, seriali që të gjithë ndiqni çdo të enjte në Tring, do të vijë me “përforcime”. Mësohet se disa aktorë të tjerë do i shtohen serialit dhe ata nuk janë aspak emra të panjohur për publikun. Basak Koklukaya është aktorja e parë që i shtohet serialit, e cila do të luajë rolin e mamasë së Duru, të cilën e ka braktisur kur ishte vetëm 3 muajshe.
Një tjetër ndryshim prek aktoren Yasemin Allen, e cila duket se nuk do të jetë më pjesë e serialit. 28 vjeçarja ka treguar se do të jetë shumë pak pjesë e sezonit të dytë dhe më pas nuk do të shfaqet më në serial. Ndërkaq, pas një pauze 2 vjeçare, rikthehet në ekran Nur Fettahoglu.Surpriza tjetër e sezonit është River Erdogan, aktorja 37 vjeçare e cila nuk kishte dhënë asnjë detaj më herët për përfshirjen e saj në serial. Armagan Oguz është aktori i fundit që do i bashkohet për disa episode serialit.
