Tek Bayern Munich, së fundmi ka një çështje që ende nuk po arrin të marrë udhë. Bëhet fjalër për portierin Manuel Neuer. Kapitenit, në edicionin e ardhshëm, i skadon kontrata me bavarezët, ndërsa 34 vjeçari kërkon që të rinovojë sa më shpejtë të jetë e mundur. Mirëpo, palët nuk po arrijë të gjejnë gjuhën e përbashkët, sepse 34 vjeçari kërkon një nënshkrim prej 5 sezonesh, ndërsa diçka e tillë duket se nuk i ka pëlqyer drejtuesve të klubit. i këtij mendimi është edhe Lautar Matthaus, legjenda e Bayern, i cili është shprehur që Neuer po kërkon diçka që në moshën e tij, asnjë klub në botë nuk do ta pranonte. Më tej, Mattaus shton se në edicionin e ardhshëm, Neuer mund të luajë për një tjetër skuadër, duke u larguar nga kampionët e Gjermanisë. “Neuer dhe kontrata e tij 5 vjeçare? 5 vite janë shumë. Të insistossh për një nënshkrim të tillë në këtë moshë, sigurisht që është e tepërt, pasi asnjë klub në botë nuk do e pranonte diçka të tillë. Gjithsesi, nëse ai vazhdon me këtë këmbëngulje, mendoj se Neuer në edicionin e ri futbollistik nuk do të luajë për Bayernin”, ka mbyllur legjenda bavareze. Në rast se diçka e tillë ka për të ndodhur, klubi ka gjetur menjëherë pasardhësin e tij dhe ai është Marc Andre Ter Stegen, “gardianin” e Barcelonës, i cili gjithashtu është në diskutime për rinovim të kontratës me klubin katalanas, por e zeza mbi të bardhë ende nuk është hedhur. Vetëm në vijim do të mësojmë përfundimisht të ardhmen e Neuer dhe Ter Stegen.
