A vjen me pas dashuria? - Episodet 56-57-58

Keremi mëson se babai i tij ka tërhequr një shumë të madhe nga llogaria e firmës për të blerë një kalë. Xhejda e mëson këtë fakt dhe vendos ta përdorë për interesat e saj. Gjatë një darke pune, Xhejda ndërron etiketat e koktejeve dhe Aisja pi pa e kuptuar koktej me alkool. Nën efektin e pijes ajo afrohet shumë me Keremin dhe fle në krahët e tij. Vollkani mundohet të shpëtojë nga vardisja e Hazallit. Pa dashje ai i tregon Jeldës se Muhsini ka menduar të divorcohet prej saj.
Keremi është në mëdyshje të firmosë apo jo divorcin. Xhejda i ushtron presion Aishes që të nënshkruajë divorcin dhe provokon Keremin që edhe ai të bëjë të njëjtën gjë. Ky i fundit i telefonon avokates dhe flirton me të në prani të Aishes. Aishja ndihet e fyer.
Erkuti e sjell Fejzan në shtëpinë e tij për çështje pune, por familja e tij dyshon se ai e ka të dashur. Me këshillën e Vollkanit, Keremi vendos ta bëjë xheloze Aishen, por planet prishen pasi Sameti vjen i shqetësuar në shtëpinë e tyre. Ai druhet se prindërit e tij Muhsini dhe Jelda do të ndahen. Rifati vendos ta dëfrejë Muhsinin dhe sjell në tryezën e tyre një tufë vajzash të reja.