A vjen me pas dashuria? - Episodet 64-65

Keremi dyshon se e ëma ka pasur dikur lidhje dashurie me Rifatin dhe vendos t’i kundërvihet atij hapur. Aishja ndërhyn në kohë dhe e ndalon me një puthje. Aishja hap pakon e dërguar për Muhsinin dhe gjen mjellmën prej letre të Keremit. Jelda dhe Muhsini pajtohen. Hylja, e cila dyshon për divorcin mes Keremit dhe Aishes bashkëpunon me Xhejdën për të zbuluar të vërtetën. Aishja nxit Keremin t’i tregojë për ngjarjen e fëmijërisë, por ai ngurron.
Keremi druhet se nëse i tregon Aishes për mjellmën prej letre ajo do ta interpretojë këtë si shenjë dashurie në prag divorci. Bashkë me Vollkanin thur një plan për t’i treguar Aishes që ajo s’është edhe aq e veçantë për të, ndaj e fton atë për darkë. Aishja mbushet me shpresë dhe zgjedh rrobat më të bukura për darkën. Vollkani ka ngarkuar një vajzë tjetër që të provokojë Keremin gjatë darkës në prani të Aishes, por plani do të shkojë shumë keq. Keremi dhe Vollkani nxitojnë për në spital dhe Aishja mbetet e vetme në restorant pa marrë asnjë shpjegim.