Trumcaku - Episodi 19-20-21

Besimeja kupton që ka lënë pas dore Nexhmijen dhe mundohet të rifitojë dashurinë e të bijës. Fejesa e Nexhmijes me Selimin shoqërohet nga një atmosferë e nderë dhe e pakëndshme. Z. Levent dhe Nerimani thurin plane për të shkëputur Feridenë nga Kamrani. Ferideja e këshillon Nexhmijen të anulojë fejesën, por ajo s’pranon. Çfarë fsheh Nexhmija?

Shërbyeset vendosin t’i tregojnë znj. Besime për dyshimet e tyre rreth marrëdhënieve midis Nexhmijes, Feridesë dhe Selimit. Për të shmangur një tjetër gjëmë, Besimeja përkrah të bijën kundër vullnetit të saj dhe dëbon Feridenë nga shtëpia. Kamrani përpiqet ta ngushëllojë Feridenë e pikëlluar dhe kupton që e ka dashuruar atë që në fëmijëri. A do të gjejnë dy të rinjtë guximin që t’ia shprehin hapur dashurinë njëri-tjetrit?

Gjykatësi vendos të shkojë në spital që të verifikojë se kush është në të vërtetë paditësi i paraqitur si Vasfiu. Selimi arrin të shpëtojë pa u dalluar. Lidhja e Kamranit me Nerimanin pëson krisjen e parë. Kamrani i kërkon Feridesë të dalë në një takim me të. Do ta pranojë Ferideja ftesën e tij?