Të mposhtësh të shkuarën - Sebastian Ruli

Ka lindur më 6 korrik 1975 në Buenos Aires të Argjentinës. Ai ka studiuar për administrim biznes, por pas përfundimit të studimeve vendosi të mos qëndrojë në vendin e tij, por të udhëtojë drejt Europës, për të provuar fatin në modeling. Ai u rikthye në Ameriken Latine, saktësisht në Meksike ku mori leksione aktrimi, gjë për të cilën kishte investuar edhe më parë në Argjentinë, Spanjë dhe Itali.

Në vitet 1995-1998 ai nisi rrugën e tij në botën e telenovelave në vendlindje, më pas vendosi të zhvendoset në Meksike. Debutimi i tij daton në vitin 2000 me serialin “Primer amor, a mil por hora”, më pas vijoi me “Sin pecado concebido” dhe “Clase 406” të cilat ishin dy melodramat që e pozicionuan në aktorin më të dashur të momentit. Në vitin 2004 ishte pjesë e kastit të serialit shumë të suksesshëm, madje edhe në Shqiperi, “Rubi”, ku interpretonte krah aktores Barbara Mori. Ky ishte projekti që i dha njohje ndërkombëtare. Sebastian numëron mbi 20 pjesëmarrje në seriale përgjatë karrierës së tij. Në 10 vitet e fundit Ruli ka qenë përgjithësisht personazhi kryesor. Në jetën private Sebastian ka qenë i martuar me Cecillia Galliano në vitet 2008-2011 me të cilën ka edhe 1 djalë, ndërsa që prej vitit 2014 është në lidhje dashurie me Angelique Boyer, aktoren simpatike me te cilën interpreton në serialin “Tre Anat”.

Ju do ta ndiqni në serialin “Të mposhtësh të shkuarën” nga e hëna në të premte, ora 19:15 në 3 Plus!