Vajza e ambasadorit - Neslihan Atagül

Neslihan Atagyl (lindur më 20 gusht 1992 në Stamboll), është aktore turke.  Ajo e ka filluar jetën e aktrimit për herë të parë në 2006 me personazhin e Denizit në telenovelën “Yaprak Dökümü/Bien gjethet”. Ajo ka luajtur sërish në vitin 2006 në filmin “İlk Aşk/Dashuria e parë”. Me këtë film, në festivalin e filmit “Altın Koza” ajo u vlerësua me çmimin “Aktorja e re shpresëdhënëse”. Në vitin 2011 ka luajtur në telenovelën “Hayat Devam Ediyor/Jeta vazhdon” me regjisor Mahsun Kërmëzëgyl. Në vitin 2012 filmi “Araf” i cili tregon historinë e dy të rinjve që punojnë në një vend ku autobusët ndalojnë për pushim, fitoi pëlqimin e shikuesve me performancën e Neslihan Atagylit. Neslihan Atagyli në vitin 2013 ka luajtur në telenovelën “Fatih Harbiye”.

Ju do ta ndiqni në serialin “Vajza e ambasadorit” çdo të hënë dhe të martë ora 20:00 në JollyHD dhe ora 21:00 në 3 Plus!