Një fotograf ka kapur trashëgiminë e zymtë të katastrofës së Çernobilit në Ukrainë, atje ku tri dekada më parë shpërtheu centrali bërthamor.
Qyteti i ri i quajtur Slavutych ku u zhvendosën banorët e zonës së Çernobilit, nuk ka ndryshime të mëdha nga katastrofa për shkak se atje kanë vdekur më shumë njerëz se sa nga aksidenti katastrofik i vitit 1986. Seks të shfrenuar, drogë dhe alkool, kjo është panorama e qytetit të ri ukrainas.
Fotografi zviceran Niels Ackermann kaloi tri vite me një grup miqsh të rinj për të shënuar 30 vjetorin e katastrofës së Çernobilit në vitin 2016.
Sipas tij, më shumë njerëz kanë vdekur nga abuzimi me drogën dhe alkoolin se sa nga radioaktiviteti.
Ai thotë se një nga miqtë e tij më të mirë i quajtur Kiril, vdiq pasi ra nga ballkoni në gjendje totalisht të dehur. Në një foto, tregohet se si të rinjtë konsumojnë përmes një shisheje marijuanë dhe duhan si dhe lloje të tjera të drogës.
Qyteti është ndërtuar rreth 40 km larg vendit ku shpërtheu centrali./OraNews/
