Persidenti i SHBA-së dhe presidenti iranian, Hassan Rouhani, kanë shkëmbyer disa paralajmërime armiqësore. Tensioni mes dy vendeve sa vjen dhe rritet. “Amerika duhet ta dijë se paqja me Iranin është si nëna e të gjitha paqeve, ndërkohë që lufta me Iranin është sërish si lufta e të gjitha luftrave,” ka thënë presidenti Rouhani.
Ndërkohë, Trump i është drejtuar rrjeteve sociale, për të bërë disa deklarata të cilat kanë alarmuar njerëzit. “Për presidentin e Iranit, Rouhani: KURRË, kurrë më mos provo të kërcënosh Shtetet e Bashkuara të Amerikës, ndryshe do të vuash pasojat si kurrë më parë në histori. Ne nuk jemi më një shtet që do të qëndrojë i heshtur përballë fjalëve kërcënuese për dhunë dhe vdekje. Kini kujdes,” ka shkruajtur Trump.
