Këtë mërkurë Ellen DeGeneres theu rekordin e “People’s Choise Awards”, duke u bërë artistja me më shumë çmime të tilla të fituara.
Në koleksionin e saj tashmë janë plotë 20 të tillë, përfshirë këtu edhe dy të fundit që fitoi dje për “Moderatorja e preferuar e një programi ditor” për emisionin e saj dhe “Zëri i preferuar në një film të animuar” për rolin në filmin “Finding Dory”.
Ajo u prezantua në skenë nga një prej miqve të saj më të mirë, Justin Timberlake.
Gjatë fjalimit të saj Ellen ka falënderuar të gjithë ata që e kanë votuar si dhe ka shprehur dëshirën e saj që një ditë të votojnë edhe kafshët.
