Ka mjaftuar një video e postuar nga këngëtarja dhe menjëherë komentuesit kanë shpërthyer në lloj lloj kritikash apo ofendimesh. E gjitha kjo, sepse Eni shfaqet në video me një kostum sportiv dhe me taka. Të gjithë kanë filluar të tallen me kombinimin e takave me tutat.
Por, Eni ka zgjedhur të mos merret fare me komentet dhe tju japë të gjithëve përgjigje me fakte. Ajo ka postuar një seri InstaStory-sh në të cilat shfaqen modele apo personazh të njohur ndërkombëtar, të cilat kanë bërë të njejtin kombinim. Midis tyre, edhe 3 prej motrave Kardashian-Jenner, stili i të cilave ka frymëzuar njerëz pafund. Në fund të këtyre fotove, Eni ka shkruajtur duke ironizuar këtë detaj: “Ama ky stil, Made in Albania. Se nuk lëshojmë të drejtat kollaj ne.”
