Bes Kallaku dhe Xhensila Myrtezaj janë martuar gjatë verës së vitit të kaluar. Prej kohësh kanë filluar lajmet se këngëtarja është në pritje të ëmbël. Por, nga çifti nuk kemi marrë ende një përgjigje zyrtare. Megjithatë, shpesh herë, fansat janë munduar të kapin momente ku barku i Xhensilës është dallueshëm i rrumbullakosur.
E tashmë, me videon e fundit, nuk ka më vend për asnjë dyshim. Xhensila jo vetëm që është shtatzanë, por është një nga ato vajza shtatzane të cilat e përjetojnë me shumë humor këtë moment të veçantë në jetë. Në video shfaqet Xhensila duke kërcyer e duke u kënaqur me muzikën në sfond, duke shfaqur barkun më bukur se kurrë.
