Anxhela Peristeri është ndër këngëtaret më të mira të skenës shqiptare, me një karrierë të suksesshme si në Shqipëri ashtu edhe në Greqi. Këto kohë, ajo është fokusuar totalisht në koncertet live si dhe projekteve të reja muzikore në Shqipëri. Gjatë një video live që këngëtarja ka bërë në Instagram, një fans i shkruan: “Kam përgatitur tre këngë dhe do të doja t’i dëgjoje”, duke i kërkuar kështu ndihmë këngëtares të njohur. Por, ndryshe nga shumë të tjerë që i kalojnë pa i vënë re këto mesazhe, Anxhela i ka kthyer përgjigje djalit duke i thënë t’ia dërgojë këngët sepse ndoshta mund të jetë i talentuar dhe të bëhet dikush në muzikë. Një veprim mjaft dashamirës ky nga bukuroshja korçare.
