Këtë fundjavë, Amsterdami është mbushur me plot 16 djem nga Turqia.
Baris Arduc, Engin Ozturk dhe Kerem Firtina, të tre emra të njohur në Turqi kanë organizuar një festë për mikun e tyre aktorin Saop Akkaya. Ky i fundit do të martohet së shpejti dhe kjo ishte surpriza që miqtë e tyre kishin përgatitur për të.
Sipas Haberturk, të gjitha shpenzimet e kësaj feste u mbuluan nga Baris Arduc, Engin Ozturk dhe Kerem Firtina.
Padyshim që Akkaya nuk mund të ishte më i lumtur se kaq. “Jam shumë i lumtur. Faleminderit që të gjithë ju më doni kaq shumë.” – është shprehur aktori i njohur 36 vjeçar.
