Mentor Haziri ka folur për projektin e tij më të ri, por jo vetëm. Gjatë intervistës Haziri u shpreh publikisht për këngën e Fifit dhe Mc Kreshës ‘Psikopatja jote’ se ka qenë një nga performancat më të dobëta të festivalit ‘Kënga Magjike’.Pas “përplasjes” së këngëtarëve ditën e djeshme me anë të disa postimeve në ‘Instagram’, Mentori ka zgjedhur të reagojë sërish duke i kthyer përgjigje në ‘Instastory’.
Ai e ka cilësuar Kreshën si një nga reperët më të mirë, por ka shtuar se atë natë kishte probleme në kufje, ndërsa për Fifin ka shkruar: “Kolegia e tij ishte jashtë notave totalisht në performancën e saj, por kjo dhe mund të rregullohet me ushtrime të këndimit ‘live’, në skenë të madhe (edhe përderisa shquhet si tekst shkruese i preferoj që të mësohet të shkruajë më mirë)”.Mesa duket Haziri ka zgjedhur mos të qëndrojë pa reaguar, duke i dhënë vazhdimësi debatit të tyre.
