Ajo dërgoi 30 ftesa për miqtë e saj por gabimisht i shkoi edhe 960 të tjerëve duke e kthyer atë që do ishte një festë private në një makth. Bëhet fjalë për prezantuesen Sonja Morgan e cila ka telefonuar policinë pasi situata po i dilte jashtë kontrollit. Shërbimi postar me të cilin ajo dërgoi ftesat ka patur probleme, duke shkaktuar të gjithë këtë situatë.
“Kur unë nisa të dërgoja ftesat çdo personi, më erdhi një lajmërim se kjo ftesë i ishte dërguar 960 personave. Ftesa iu kishte shkuar të gjithëve, përfshi edhe rojet e garazhit, mësuesëve të fëmijëve, shërbimit të ushqimit”, tregon Morgan.
Ajo më pas i nisi e-mail çdo personi për të sqaruar gabimin e bërë.
