Një raport i ri ka dalë në ‘Us Weekly’ së fundmi, ku protagonist është bërë aktori me famë botërore, Tom Cruise. Sipas tyre 56-vjeçari ka disa vite pa takuar vajzën e tij Suri. Ai ka të drejtë me urdhër gjykate ta takojë 10 ditë brenda një muaji, por kjo nuk ka ndodhur prej shumë kohësh.Burime pranë tij shprehen se “ajo nuk është një Scientologist”, prandaj nuk mund ta takojë.
Ai ka qenë i përkushtuar ndaj “Scientology”, (një organizatë fetare me praktika të çuditshme) për dekada të tëra pasi u njoh me organizatën nga bashkëshortja e parë Mimi Rogers. Pas divorcit të tij nga Rogers në vitin 1990, ai u martua me Nicole Kidman, me të cilën u divorcua më vonë për shkak të fesë në fjalë e cila, sipas mediave bëri gjithçka pë t’i ndarë. Kujtojmë se Suri është vajza e vetme biologjike e Tom Cruise dhe Katie Holmes, të cilët u divorcuan në 2012-ën pas 6 viteve martesë.
