Ardhja e sezonit të verës mesa duket i ka vënë në lëvizje artistët për të publikuar prurjet e reja. Young Zerka është ai që do të sjellë hitin e radhës. Ai ka publikuar para pak minutash videon promovuese të klipit të ri që do lançohet shumë shpejt. Kjo këngë do të jetë në bashkëpunim me Faydee dhe Dj Mohgreen.
Për Faydee do të jetë kënga e parë në bashkëpunim me një këngëtar shqiptar. Suksesi i tij është i padiskutueshëm, madje është një ndër këngëtarët ndërkombëtarë më të kërkuar. Kënga do të quhet ‘Belly dancer’ dhe është shumë ritmike, tamam siç e kërkon stina e nxehtë që kemi përpara.
