Problemet nuk po i ndahen ish-lojtarit të Manchester United, Cristiano Ronaldo. Pak ditë më parë në gjykatë është dorëzuar një dosje nga një modele e cila e akuzon 33-vjeçarin për përdhunim. Kathryn Mayorga, e cila aktualisht është mësuese, por në periudhën në fjalë aspironte për modele, ka treguar se Cristiano ka abuzuar me të në suitën e një hoteli në Las Vegas.
“Unë i thoja vazhdimisht të më lëshonte, por ai nuk e bëri. Pasi gjithçka mbaroi ai më tha: ‘më fal, zakonisht jam më i sjellshëm”,-ka rrëfyer Kathryn. Ajo gjithashtu ka treguar se më pas ka nënshkruar një kontratë me avokatin e Ronaldos, ku pranonte të ruante heshtjen, në këmbim të një shume të majme monetare.
