Nesër është dita e verës, e normalisht të gjithë presin një ditë me diell e me rrugët e mbushura plot gjallëri. Por, faktikisht moti për nesër rezervon të tjera surpriza. Edhe dita e nesërme, do të shoqërohet nga reshjet e shumta në të gjithë territorin.
Nëse doni të shijoni një ditë të ngrohtë nën rrezet e diellit, do iu duhet të prisni fundjavën. Sipas sinoptikanëve, të premte temperaturat do të shënojnë rritje. Pas datës 20 mars, do të kemi sërish një ulje drastike temperaturash e cila do të zgjatë për 3-4 ditë dhe më pas, mund të fillojmë të nxjerrim të qetë rrobat e pranverës.
