Ndërkohë që shkenca nuk ka arritur akoma t’i japë akoma përgjigje pyetjes më fondamentale të njerëzimit ‘’A mund të jetojmë përjetësisht?”, një 107 vjeçare amerikane ka zbuluar se sekreti i saj nuk është ushqimi dhe gjenetika, por zgjedhja për të mos u martuar kurrë. Louise Signore, e cila jeton në Bronx, në New York, zbuloi se gjatë jetës së saj ka ndjekur një dietë të rreptë dhe është ushtruar rregullisht megjithatë, ajo beson se arsyeja e vërtetë që ka jetuar më shumë se një shekull është sepse ajo kurrë nuk është martuar.
“Nëse duhet të bëj ushtrime, bëj ushtrime; nëse kam dëshirë të kërcej, kërcej. Bëj akoma pak kurs kërcimi. Pas drekës, mund të luaj bingo, kam të gjithë ditën në dispozicion. Besoj se sekreti i 107 viteve është: Unë nuk jam martuar kurrë. Ky është sekreti. Motra ime më thotë, ‘Do të doja të mos isha martuar kurrë.’’-tregoi ajo pwr ‘’CNN”.
Motra e Louise-s është 102 vjeç, kështu që jetëgjatësia mund të jetë e lidhur gjithashtu me gjenetikën. Alelia Murphy, 114 vjeç, aktualisht mban fronin e gruas më të vjetër në botë, jeton në Shtetet e Bashkuara.
