Sa herë ju ka ndodhur të jeni zemëruar apo inatosur për arsye nga më të ndryshmet ? Është gjëja më normale në botë, por mesa duket jo gjithmonë faji është jetim. Gjithçka është e shkruar në yje dhe astrologjia di thuajse gjithçka për gjithkënd. Zbuloni cilat janë arsyet që bezdisin dhe bëjnë të humbasin toruan shenjën tuaj.
Dashi : Dashi është një dominues i lindur. I pëlqen të japë urdhëra dhe të ketë gjithmonë situatën nën kontroll. Mos guxoni ta komandoni sepse do ju nxjerrë anën e tij më të keqe.
Demi : Njerëzit e kësaj shenje janë shumë kokëfortë dhe nuk dinë të lëshojnë pe. Është e kotë t’u dalësh kundër pasi thjesht do të acarohen e asgjë më shumë.
Binjakët : Binjakët janë shenja më pozitive e zodiakut. Edhe në momentet më të vështira, ata nuk e humbasin kurrë buzëqeshjen. Ajo që i acaron është kur të tjerët qahen dhe viktimizohen.
Gaforrja : Gaforrja është një shenjë lozonjare si një kotele. I pëlqejnë përkëdheljet dhe gjeste që tregojnë afeksion. Gjëja që i acaron më shumë është agresiviteti dhe vrazhdësia në komunikim .
Luani : Luani është mbreti i pyllit të zodiakut. I pëlqen të jetë në qendër të vëmendjes dhe do të tregojë gjithmonë fuqinë e tij. Nëse doni t’i shpëtoni klithmës së një luani, është mirë të mos e kundërshtoni në publik apo të vini në dyshim aftësitë e tij.
Virgjëresha : Virgjëreshat janë shumë racionale dhe të qeta në të përditshmen e tyre. Sa herë që u ndodh diçka, u pëlqen të analizojnë arsyet e asaj që ndodhi. Më mirë të mos krijoni polemika me to .
Peshorja : Peshorja është elegante, e rafinuar dhe kujdeset shumë për aspektin e saj të jashtëm. Gjëja që nuk duron ? Të ketë pranë vetes një njeri që nuk di të kujdeset për veten.
Akrepi : Evitoni banalitetin me akrepin në të kundërt nuk do ua falë. Është shenjë misterioze dhe shumë skematike. Mos u tregoni banal dhe i zakonshëm nëse nuk doni të humbisni vëmendjen e tij.
Shigjetari : Shigjetari dhe dembeli nuk i kanë punët mirë me njëri-tjetrin. Është shenjë shumë punëtore dhe acarohet sa herë që ka përtacë pranë vetes.
Bricjapi : Bricjapi i ngjan një makinerie, gjithçka në jetën e tij është e programuar. Dallohet për aftësitë e tij planifikuese. Është i hapur ndaj risive, por mos guxoni të ndryshoni ritmin e tij.
Ujori : Ujori është një shenjë që do të jetë gjithmonë i lirë dhe i pavarur. Mund të heqë dorë nga gjithçka, por jo nga liria tij. Zemërohet sa herë që dikush guxon të kufizojë lirinë e tij.
Peshqit : Peshqit janë shumë të qartë në gjërat që thonë dhe duan. Nuk durojnë dot njerëzit e vagullt që përpiqen t’u ngatërrojnë idetë.
Living.al
