WhatsApp ka bërë të mundur përdirtësimin më të fundit, aplikacionin e saj për pajisjet Android dhe iOS, ku ka shtuar shpërndarjen e dokumenteve në PDF.
Kur të klikoni tek butoni i cili ngjan me një kapëse letrash, krahas opsioneve kamera, galeri, audio, vendndodhje dhe kontakte do të vëreni një opsion të ri të dërgimit të dokumenteve.
Tek pajisjet Android do të shfaqet menaxheri i skedarëve për të bashkangjitur çdo dokument në PDF. Ndërsa tek iPhone do të keni mundësi të bashkangjisni skedarë nga aplikacione të tjera, si Dropbox, Google Drive dhe OneDrive.
Përditësimi i ri do të jetë në dispozicion së shpejti tek të gjithë përdoruesit. Nëse marrësi akoma nuk disponon përditësimin më të fundit të aplikacionit, nuk do të keni mundësi të dërgoni dokumente. /albeu.com/
