Jessica Alba solli në jetë fëmijën e saj të tretë pikërisht në natën e ndërrimit të viteve. Shpesh herë ajo poston në rrjete sociale momente me fëmijët e saj, apo qoftë edhe detaje të ndryshme të jetës së tyre në familje. Jessia njihet si një nga ato femrat që janë shumë të hapura dhe të sinqerta përsa i përket përjetimeve të tyre personale.
Mirëpo, jo çdo gjë është gjithmonë perfekte. Aktorja ka zbuluar se nuk e konsideron veten një nënë të mirë. “Bëj gjithmonë gabime si të gjitha nënat. Thjesht nuk i tregoj dhe nuk i shkruaj në rrjetet sociale për t’u ndjerë më mirë: jam një mama e tmerrshme,” ka thënë aktorja.
