Nora Istrefi dhe Robert Berisha janë një ndër dyshet më të komentuar në median rozë.
Ndonëse janë divorcuar, publiku vazhdon ta dojë çiftin së bashku.
Së fundmi, duket se ata i ka bashkuar vajza e tyre, Renee.
Vogëlushja ka festuar ditën e djeshme ditëlindjen në një festë përrallore, ku nuk kishin si të mungonin edhe prindërit.
Ata janë shfaqur shumë të qeshur krah Renees. Me këtë rast, Roberti i ka dedikuar edhe disa fjalë të ëmbla të bijës.
“Të të kem ty fëmijë më bëri të kuptoj sa e bukur është jeta. Buzëqeshja jote ma zbukuron ditën. Trëndafilat janë të bukur, ëmbëlsirat janë të mira, por të të kesh ty bijë nuk krahasohet me këto dhe me talentet e tua e personaliteti tënd të mrekullueshëm. Ti je e ëmbël, fenomenale dhe e mrekullueshme, e mbështjellë në një paketë që unë e quaj: Bijë. Ti ke qenë dhe mbetesh dashuria e mamit dhe babit. Gëzuar ditëlindjen Renee”, shkruan këngëtari.
