Aktori Seckin Ozdemir me të cilin jemi njohur në serialin “Dashuri me qera” ku interpretonte në rolin e Pamirit, është parë këtë javë në shoqërinë e ish të dashurës së tij Zeynep Kocak. Ata kanë qenë bashkë në vitet 2014-2016. Më pas u ndanë dhe thashethemet e shoqëruan Seckin pasi mediat rozë shkruanin se ai mund të ishte në një lidhje me vajzën e Nergis Kumbasar. Por këto ditë nisi një tjetër valë fjalësh e dyshimesh. Fakti që Seckin ishte me Zeynep, bëri që të dyshohet për një rikthim. Gazetarët menjëherë kanë pyetur a ka ndonjë gjë të re, por Seckin ka thënë se janë thjesht miq. Ndërsa Zeynep është përpjekur të fshihet e t’u largohet kamerave.
