Elcin Sangu ose ndryshe e njohur për të gjithë ne si Defne në filmin “Dashuri me Qira” ka thënë në intervistën e saj të fundit se nuk e sheh veten në ekran. Po, është shumë e çuditshme kjo deklaratë e saj duke marr parasysh që është aktore në profesion. Shumë aktorë duke parë veten në rolet e tyre shprehen se arrijnë të përmirësojnë shumë gjëra tek vetja dhe se të shikojnë në ekran rolet e tyre është shumë produktive për tu vetëkorigjuar dhe vetëvlerësuar.
Duket se kjo formulë nuk funksionon për Elcin, pasi ajo u shpreh se nuk dëshiron të shoh veten dhe nuk e ka bërë ndonjëherë. Aty ajo nuk është vetja, personazhi i rolit i duket një njeri i huaj dhe për këtë arsye ekrani i TV në shtëpinë e saj, nuk është asnjëherë i hapur kur shfaqen serialet e saj.
