Aktori i njohur Mehmet Gunsur, ka folur së fundmi rreth rolit të tij në serialin “Fi”. Ai ka zbuluar disa detaje të karakterit që do të luajë, si dhe çfarë këshille do i jepte Mehmeti-Denizit, nëse do i ndodhte një situatë sikurse në serial.
“Denizi është mendjemadh dhe si gjithë të tjerët, e humbet ndonjëherë kontrollin. Pasi merr vesh se Duru lidhet me Xhanin, ai ndryshon kaq shumë, saqë s’u përmbahet më parimeve të tij dhe e humbet kontrollin. Gjatë sezonit të parë, ai pësoi shumë goditje, ndoshta s’mund të vazhdojë më tutje në këtë gjendje të mjerueshme. Pra, nëse do të isha shoku i Denizit, do ta këshilloja ta harronte atë vajzë: Harro gjithçka dhe mos e kthe më kokën pas!Këtë do t’i thosha,” ka thënë Mehmet.
