Sot, janë dy aktore të njohura dhe shumë të dashura për publikun por prezantimi i parë i Amine Gulses dhe Dilan Cicek Deniz për publikun turk ishte në vitin 2014 ku dy vajzat morën pjesë në konkursin e bukurisë “Miss Turqia”. Të dyja mjaft të bukura dhe me linja perfekte trupore bënë që gara mes tyre për kurorën e bukurisë të ishtë e fortë.
Megjithatë, do të ishte aktorja e “Mos u dorëzo”, ajo që do të fitonte çmimin e parë ndërkohë që Dilan, që tashmë e njohin si protagoniste të “Një histori nga Bodrumi” zuri vendin e dytë.
Pasi u zgjodh më e bukura e Turqisë, Amine Gulse u bë pjesë e Miss World si përfaqësuese e Turqisë ndërkohë që Dilan Cicek Deniz ishte përfaqësuese për një tjetër konkurs bukurie siç ishte “Miss Universe”.
