Tek shohim episodet e serialit “Nusja nga Stambolli” i cili transmetohet çdo të premte në Jolly HD, diçka e vëmë re të gjithë: Asli Enver ka një zë të mrekullueshëm! Megjithatë, ndoshta pak prej jush e dinë që Asli guxoi aq sa të “konkuronte” në një puntatë speciale të “Voice of Turkey”. Në fakt, aktorja nuk konkuroi realisht por ndoqi të gjitha etapat si konkurrentët e tjerë. Juria, ku ndër të tjerë ishte edhe i dashuri i Aslit, këngëtari Murat Boz, vetëm dëgjonin zërin e saj tek performonte. Cili u kthye i pari? Ju ftojmë të shihni këtë video plot emocione si për Aslin, ashtu edhe për Murat.
