Loredanën e njohim si partneren e reperit Mozzik. Prej kohësh dy të dashuruarit jetojnë në Gjermani, nga ku kanë zhvilluar edhe karrierën e tyre.. Ata kanë një duet së bashku dhe disa hite të tjera solo. Për Loredanën ka mjaftuar një klip me titullin ‘Sonnenbrille’ që të arrijë majat e top listave në Gjermani. Ndërsa tani ka ardhur edhe suksesi i radhës. Me anë të një postimi në ‘Instagram’ ajo ka zbuluar se është nominuar për çmimin ‘Hip-Hop Act’ dhe është e vetmja femër në listën e të nominuarve.
“Përshëndetje njerëz. Përveç faktit që jam nominuar, unë ju kam një borxh. Ndoshta ju nuk e shihni si mirënjohje dhe mund të mendoni se kjo është shumë e natyrshme për mua. Unë jam e vetëdijshme se muzika e mirë shpërblehet, por mbështetja gjigante jeni ju që keni qenë me mua deri më sot. Jam mirënjohëse për secilin prej jush, për të gjithë ata që qëndrojnë zgjuar deri vonë për të dëgjuar këngët e mia. Nuk më intereson kush e merr vendin e parë, unë përpiqem të jap më të mirën time. Shpresoj që të paktën në të ardhmen unë mund t’ju shpërblej me muzikë të mirë. Unë jam nominuar në BEST HIP HOP ACT”,-ka shkruar reperja. Festivali ku ajo do të marrë pjesë është ndër më të rëndësishmit në Gjermani dhe mban emrin ‘1Live Krone’.
