Aktori turk tashmë është kthyer në një ndër aktorët më të preferuar në shumë vende të botës. Seriali i tij në Netflix, e ka shtuar akoma më tepër suksesin e tij përtej kontinentit. Por, teksa e kemi parë në role ku shfaqet tejet trim, apo qoftë në paraqitje me imazhin që krijon, edhe Cagatay në fakt mund të trembet njësoj si çdokush. Gjëja që aktori ka më shumë frikë, janë konferencat e shtypit. Diçka aspak pozitive, duke qenë se në karrierën e tij si aktor do të jetë i detyruar të zhvillojë shumë të tilla.
