Christina Maria Aguilera lindi më 18 Nëntor 1980 në New York dhe për të gjithë admiruesit e horoskopit i përket shenjës së akrepit. Është një nga këngëtaret më të njohura të muzikës pop,tekst shkruese,aktore dhe personazh publik Amerikan. Ajo numëron shumë këngë dhe bashkëpunime të suksesshme.
Puna e saj kolosale ka bërë që Aguilera të shesë rreth 70 milionë albume, duke e renditur atë si një nga këngëtaret me shitjet më të mëdha.
Fëmijëria e këngëtares ka qenë disi e vështirë, zënka dhe debate në familje kanë bërë që Christina t’i pasqyrojë ato edhe në këngët e saj si “I’am ok” dhe Oh Mother”. Gjithashtu Aguilera ka arritur të fitojë 5 çmime Grammy, dhe një yll në “Hollywood walk of Fame”. Aguilera është njohur si ikonë popi dhe fitoi titullin “Princeshë popi” vite më parë.
Përveç karrierës së saj si këngëtare Aguilera mori pjesë dhe në filmin “Burlesque”(2010) dhe gjithashtu ka qenë trajnere në gjashtë sezone të “The Voice”.
Puna dhe fitimet e mëdha që ka marrë prej saj kanë bërë që këngëtarja të përfshihet gjithashtu dhe në kauza bamirësie. Ajo është ambasadore e UN (United Nations) për programin botëror të ushqimit. Bukuroshja ka shërbyer si imazh për shumë firma të njohura veshjesh dhe make-upi ndër të cilat mund të përmendin: Linjën e make-up Felish, Levi’s,Versace, Orange.
Aguilera është gjtihashtu pronare e një linje parfumesh që u hodh në treg në vitin 2004 “Xpose” linjë e cila u pëlqye shumë nga publiku dhe arriti të ishte parfumi më i pëlqyer në Angli si dhe më i shituri. Për të gjithë shikuesit e Tring, Christina Aguilera ka ardhur në “Burlesque” një muzikal i suksesshëm në bashkëpunim me Cher, të cilin e kemi ndjekur në Muse.
