Djali i ish-kapitenit të kombëtares shqiptare dhe imazhit të Tring, Lorik Cana, ka festuar ditën e djeshme ditëlindjen e tij. Vogëlushi Boiken mbushi 3 vjeç dhe në këtë ditë të veçantë babi Lorik dhe mami Monika kanë organizuar një festë me miqtë e tij të vegjël.
Festa është organizuar në një nga lokalet e kryeqytetit me një dekor ku mbizotëruese ishte ngjyra blu.
Vogëlushët duken mjaft të angazhuar, duke festuar mes lojërave dhe ushqimeve.
Boiken është fëmija i pari i çiftit Cana dhe ka ardhur në jetë një vit pas kurorëzimit me martesë të historisë disavjeçare të dashurisë së prindërve të tyre.
