Revista prestigjioze Forbes ka publikuar listën e 100 sportistëve (meshkuj dhe femra) më të paguar në planet.
Në vendin e parë të listës është ai… Cristiano Ronaldo me plotë 88 milionë dollarë fitime, të ardhura nga kontrata e tij me Real Madrid si dhe nga kontrata të tjera publicitare.
Në vend të dytë të listës së Forbes është ylli i Barcelonës, Leo Messi i cili ka gjeneruar 81.4 milionë dollarë.
Ronaldo dhe Messi janë të vetmit futbollistë në 20 të parët e listës së Forbes, pasi të tjerët janë nga fusha të ndryshme, kryesisht tenis dhe basketboll.
Pas dyshes së futbollit spanjoll vjen LeBron James me 71.5, Roger Federe me 62.9 dhe Kevin Durant me 52.2 milionë dollarë. Futbollisti i tretë që përfshihet në listë është braziliani Neymar.
