Peppa Pig është padiskutim një prej personazheve më të dashur të fëmijëve dhe këta të fundit mund ta ndjekin në ekranin e Tring Tring çdo ditë. Sigurisht që vogëlushët tuaj e shohin këtë film të dubluar në shqip, por e dimë që në youtube ata dëgjojnë zërin e “vërtetë “ të Peppës. Vogëlushja që ka dubluar në anglisht zërin e derrkuces rozë ishte vetëm pesë vjeç në atë kohë e në moshën 21 vjeçare ajo do të jetë milionere falë punës me kohë të pjesshme që ka bërë në fëmijëri ! Arsyeja: Seriali i animuar është aq i famshëm, saqë i gjeneron 16 vjeçares të ardhura marramendëse. Aktroja britanike Harley Bird fiton rreth 1.000 dollarë për një orë transmetim.Në atë moshë, ajo paguhej vetëm katër paund ora, por popullariteti i serialit sigurisht që u shoqërua me rritjen e fitimit.
Duket se aktorja ndonëse tashmë 16 vjeç vazhdon ta bëjë zërin e një derrkuceje të vogël shumë mirë dhe askush nuk ka ndërmend ta zëvendësojë atë. Ajo e ‘kupton me të vërtetë karakterin’: ‘Unë e di se si flet ajo, si do t’i bënte gjërat, se si do të reagonte” thotë adoleshentja.
