Përdoruesit e figurave nëpër mesazhe të ndryshme, së shpejti do t’i kenë në tastierë edhe 72 emoji të ri.
Në mesin e fytyrave, do të shtohet ‘gënjeshtari’ me hundë të gjatë, ‘alergjiku’ me facoletë në hundë, si dhe ‘lakmitari’ të cilit i rrjedhin jargët nga goja.
Dashamirët e kafshëve, do t’i kenë edhe 13 emoji dedikuar botës së egër, pemë dhe perime, ku nuk mungojnë karota, avokado, trëndafili i vyshkur dhe kivi.
Për të pasionuarit e ‘selfie’ është dedikuar një figurë e veçantë, si dhe një zemër e zezë, për ata që i japin fund lidhjes.
