Ish-Miss Kosova është një nga vajzat më të bukura të showbizit. Ajo është marrë me modeling si dhe ka qenë anëtare jurie në shumë kompeticione bukurie. Më pas, vendosi të krijonte linjën e saj të çantave dhe këpucëve. Agnesa, nuk është nga ato modele të cilat kanë dalë nëpër klipe, madje as në fillimet e saj nuk e kemi parë të bënte diçka të tillë.
Por, projekti i Mentor Hazirajt, duket se ka qenë i duhuri për ta bindur bukuroshen të marrë pjesë në një klip muzikor. Kënga titullohet “When I hear your name” dhe ka protagoniste pikërisht Agnesën. Në klip, ajo shfaqet si një aktore e vërtetë teksa këndon dhe luan në bateri. “When I haer your name” është një këngë tepër romantike, me në sfond një prej vajzave më të bukura shqiptare.
