Aktori i famshëm turk Tolgahan Sayisman ka kërcyer mbrëmë në finalen e “Dancing with the stars”, së bashku me bashkëshorten e tij Almeda Abazi. Kjo e fundit ishte edhe prezantuesja e këtij edicioni.
Në momentin e kërcimit, Almeda u shfaq me një fustan të bardhë ndërsa Tolgahani me kostumin klasik. Ata kërcyen nën ritmet e këngës “Everything I do”. Ndërsa në fund çifti shkëmbeu një puthje dhe u duartrokit pafund.
“Faleminderit shumë, jam shumë i lumtur që jam këtu. Të dua Shqipëria”, tha Tolgahani i cili më pas si i ftuar special u ul në tryezën e jurisë.
