Aktorja e njohur ‘shokoi’ të gjithë pak kohë më parë kur vendosi të shfaqej me flokët e shkurtra. Një prerje e thjeshtë flokësh më pas çoi në lloj lloj aludimesh, rreth asaj çka mund ta kishte shtyrë Birce të merrte këtë vendim. Edhe pse mund të duket kaq e pabesueshme, nuk është e tillë. Çdo vajzë me flokë të gjatë e të bukur mund të ketë dëshirë të eksperimentojë, e pse jo t’i presë ata fare të shkurtër.
E pyetur së fundmi nga gazetarët se çfarë e shtyu aktoren të merrte këtë vendim, ajo tha: “Më kanë kritikuar pafund për flokët e mi. Madje, kanë aluduar edhe se jam në depresin e ndaj kam bërë të tillë zgjedhje. Doja t’i prisja dhe i preva, është kaq e thjeshtë. Juve ju duket si një krizë, mua më duket si një model i aktoreve të filmave të vjetër.”
