Listës së ëngëtareve me origjinë shqiptare dhe famë botërore, do t’i bashkohet një tjetër artiste. Ajo është Ava Max, 24 vjeçarja me një stil të veçante e cila pritet të pushtojë tregun muzikor. Emri i saj i vërtetë është Amanda Koçi dhe ka lindur në SHBA.
Amanda e nisi karrierën vetëm një vit më parë, duke u shfaqur në këngën e Le Youth, “The Clapp Your Hands.” Në prit të 2018-tës ajo lançoi këngën e saj të parë, e cila arriti të pozicionohej mjaft mirë në Top Listat e këngëve rumune dhe suedeze. Ava Max ka gjithashtu një bashkëpunim me Gashin, të titulluar “Slippin”, për të cilin nuk kanë ende një videoklip.
24 vjeçarja është bërë pjesë e albumit të Dj të famshëm David Guetta, me këngën “Let it be me”. Me stilin e saj të veçantë, si në look ashtu edhe në të kënduar, mos u habisni nëse Ava kthehet në yllin e radhës që do na bëjë krenarë.
