Fahriye Evcen, e cila ndodhet në Gjermani së bashku me partnerin e saj Burak Ozcivit për të pushuar pranë familjarëve të saj, është thuajse në muajin e 5-të të shtatzënisë. Vetë aktorja ka treguar më herët se kilet që kishte shmangur gjatë këtyre muajve, i ka marrë përnjëherë, duke u “llastuar” me ushqimet e mamasë së saj.
Çifti i njohur presin të bëhen prindër për herë të parë dhe vendosën ta ndërmenrnin këtë udhëtim në fillimet e shtatzënisë, pasi më vonë do të ishte e pamundur. Nëse deri pak më parë Fahriye nuk dallohej aspak që ishte shtatzënë, tani nuk mund ta themi më këtë gjë. Në foton e publikuar prej saj, dallohet qartë barku i rrumbullakosur dhe ato pak kile që bukuroshja ka shtuar.
