Më 15 korrik, këngëtarja shqiptare Era Istrefi ndezi skenën e finales së Kampionatit Botëror “Rusi 2018”. Ajo performoi përkrah dy yjeve me famë botërore Nicky Jam dhe Will Smith. Era tashmë është kthyer në vendin e saj dhe i është futur menjëherë punës, madje duke u ankuar se të tjerë po shijojnë pushimet në Greqi, por asaj i duhet të punojë.
Ajo ka publikuar një video ku shfaqet me reperin e njohur shqiptar Capital T dhe vëllain e saj të vogël duke shëtitur me makinë. Më pas ajo ka ndarë me ndjekësit e saj një foto teksa pozon krah vëllait. “Ai është i vogël si unë (me moshë) por më i madh (me trup)”, ka shkruar ajo.
