Këngëtari tregohet i rezervuar kur vjen puna te jeta personale, por është gjithmonë i gatshëm të flasë për një prej dashurive më të mëdha për të, muzikën. I pyetur se për çfarë është penduar në këto 32 vite jetë, Ledri është përgjigjur se edhe pengu i tij më i madh ka lidhje me punën.
“Nëse do isha kthyer më herët në kohë do kisha punuar më shumë,” –është përgjigjur këngëtari, duke shpjeguar se kjo gjë nuk ka lidhje me tregun ndërkombëtar, pasi do të vazhdojë t`i refuzojë ofertat për bashkëpunime me artistë të huaj, njësoj siç bëri me këngëtaren Iggy Azalea, siç ka treguar para disa kohësh Faton Shoshi.
