Një video e publikuar në YouTube pretendon se Mbreti i Popit, Michael Jackson falsifikoi vdekjen e tij dhe është ende gjallë dhe se të gjithë jemi mashtruar.
Videoja që pretendon se shfaqë Michael Jackson në një tubim njerëzish gjatë këtij viti, është e publikuar në YouTube.
Videoja e titulluar “Michael Jackson paraqitet pas 7 vitesh me dëshmi”, pretendon se ylli mund të jetë duke u fshehur në Kanada ose Afrikë, shkruan Gazeta Express.
Videoja është shikuar më shumë se një milion herë, prej se është ngarkuar në YouTube.
Videoja fillon duke thënë se disa njerëz thonë se ai është ende gjallë dhe se misteri për këtë u rrit nga fakti se arkivoli i tij nuk ishte lënë hapur gjatë funeralit pas vdekjes së tij më 25 qershor 2009.
