Intervista e sportistes Dorina Mema u bë lajmi kryesor i ditës së djeshme, për faktin se ajo deklaroi se do të donte “ta priste Encën me gërshërë” dhe se e kishte halë në sy dhjamin e saj.
Ditën e sotme, Mema ka shkruar në Instagramin e saj personal duke sqaruar se gjithçka është një keqkuptim.
“Pashë një lajm sot për veten: Dorina vret Encën me gërshërë… Ndaj se gjeja gërshërën sot në mëngjes unë! Thashë, jallah më paska lënë memoria! Këto gazetat janë bërë si Nastradini. Në fakt pyetja ishte: Cilin nga personazhet e showbiz-it do doje të rimodeloje në fizik, kë pëlqen ta shikosh fit, “simpati për ta transformuar”, do kisha rimodeluar Encën, më pëlqen si këndon dhe e pres me gërshërë figurën e saj me mendjen time duke e rimodeluar si duhej të ishte në skenë alla Beyonce … Dhjamin e kam halë në sy! #flm për mirëkuptimin dhe mjaft me sajesa se kemi punë!”.
Nuk e dimë nëse Enca do të thotë diçka lidhur me këtë, prandaj na duhet të presim.
