Aktori i njohur Vin Diesel duhet të ishte diplomuar 30 vite më parë, por angazhimet në aktrim e detyruan të lërë shkollën në mes. Pavarësisht dëshirës së madhe për të vazhduar studimet, rolet e shumta nuk i kanë lënë mundësi. Nisur nga kjo dëshirë, ish-Universiteti i tij, “Hunter College”, pas 30 viteve ka vendosur ta vlerësojë aktorin me diplomë dhe doktoraturë, duke qenë se arritjet e tij e meritojnë diçka të tillë.
Në fjalimin e tij përpara të gjithë të diplomuarve, Vin Diesel tregoi se ndihej jo vetëm i prekur dhe krenar nga kjo dhuratë, por edhe shumë i vlerësuar që më fund ai do ta ketë një diplomë në xhep.
